Во рамките на проектот “Убавините на селото” со група на дечиња бевме во посета на чичко Иле кој целиот свој живот одгледува домати, а од скоро време започнал со одгледување и на органски домати кој за нас беа посебно интересни.
Чичко Иле е поим за земјоделец. Човек кој со свои раце и свој труд се бори да опстане во земја во која на новитетите
се гледа со претпазливост и сомничавост, а конвенционалното е норма, како во животот, така и во земјоделието. Да работиш органско во време во кое голем број од луѓето сеуште не се запознаени што е тоа, да бидеш еден од првите, знае да претставува и терет. Но чичко Иле храбро се носи со тоа и е не компромисен во својот избор.
Но времињата се менуваат и покажуваат
дека можеби не згрешил во својот избор.
На нам посетителите на неговата фарма добро ни се познати неговите вкусни домати, пиперки, модри патлиџани.
Очигледно е дека Иле го познава и владее начинот на производство, на што додатен показател е неговото опширно и сликовито раскажување за целокупниот процес на производство на домати за кој што беа заинтересирани сите дечиња..
Ни беше посебно задоволство да ја организираме оваа посета, да поработиме на пластеникот со домати, а подоцна да
седнеме и да ги слушаме неговите животни приказни, а чичко Иле е секогаш интересен раскажувач.
Проектната активност е дел од проектот “Убавините на селото” финансиски подржан од Г1 програмата на општина Струмица
