Преку проектните активности на здружението ќе допринесеме за едукација и информирање на руралната популација за интегрирање на принципите на одржлививите методи на пчеларење и како да креираат можности за додадена вредност на пчелните производи.
Ова ќе допринесе пчеларството да прерасне во сериозна деловна активност и извор на дополнителни приходи кај руралните домаќинства, а особено со вклучување на младите и жените како ранливи групи во заедницата, кое пчеларството како гранка го овозможува.
Земјоделскиот сектор би имал голема корист од доаѓањето на млади претприемачи. Со земјоделството често се поврзуваат негативни конотација, па за повеќето млади луѓе, особено за оние кои не живеат во рурални средини, тоа не е прв избор за бизнис кариера. А токму младите можат да придонесат за квалитетен развој на земјоделството. Сепак, тоа не значи дека воопшто нема млади луѓе во земјоделството. Има, но не доволно.
Со имплементација на проектов можеме да создадеме поинклузивен, продуктивен и одржлив земјоделски сектор кој значително придонесува за севкупниот развој на руралните заедници.
Со нашите проектни активности сакаме младите и жените земјоделци да можат полесно да започнат сопствен бизнис, да создадат нови брендови на пазарот, да инвестираат во нови дејности преку кои ќе ги реализираат своите идеи врз основа на добри деловни планови кои имаат развојна компонента, го таргетираат домашниот пазар, користат сопствени ресурси и имаат компонента за модерно производство, со примена на добри земјоделски практики и грижа за животната средина.