Целта на овој проект е како да преку одржливо пчеларење и развој на производи кои ќе имаат додадена вредност, младите и жените од руралните средини да станат пчелари а со тоа пак да креираат и економска добивка. Сето ова ќе придонесе за зачувување на руралниот амбиент, зачувување на социјалните вредности и подобрување на животот во помалите средини, како и намалување на силната миграција изразена во под-беласичкиот регион.
Пчелите се едни од најважните опрашувачи кои обезбедуваат храна, одржливо земјоделство и биодиверзитет, и значително придонесуваат за ублажување на климатските промени и зачувување на животната средина. На долг рок, заштитата на пчелите и пчеларскиот сектор може да помогне во намалувањето на сиромаштијата и гладот, како и да се зачува здравата животна средина и биолошката разновидност. Наша одговорност е да ги чуваме пчелите, да консумираме мед кој е одржливо произведен и секогаш да купуваме храна која е локално произведена. “Пчелите не земаат ништо, но даваат толку многу”. Тоа е најдобар начин од пчеларството да им помогнеме на луѓето од руралните средини каде што е клучно да се грижиме за нашата кревка околина.